Uchrashuvda tomonlar Oʻzbekistonning BMT va uning inson huquqlari sohasidagi ixtisoslashgan tuzilmalari bilan oʻzaro hamkorligining dolzarb masalalarini muhokama qildilar, deya xabar beradi vazirlik axborot xizmati.
Shuningdek, BMT maxsus maʼruzachisi mamlakatimizda fuqarolarning huquq va erkinliklarini taʼminlash, boshqa davlatlarda ogʻir ahvolga tushib qolgan shaxslarga samarali yordam koʻrsatish, jumladan, Yaqin Sharqdagi urush hududlaridan odamlarni, ayniqsa, ayollar va bolalarni vatanga qaytarish borasidagi saʼy-harakatlarini yuqori baholadi.
Bundan tashqari, Afgʻonistondagi vaziyat yuzasidan fikr almashildi. Afgʻoniston xalqiga tezkor insonparvarlik yordam koʻrsatish zarurligi haqida umumiy fikr bildirildi.
