Oʻzbekiston tashqi ishlar vaziri Abdulaziz Komilov boshchiligidagi delegatsiya 15 — 22-noyabr kunlari Oʻzbekiston-AQSH siyosiy maslahatlashuvlarining 8-raundida ishtirok etish uchun Amerika Qoʻshma Shtatlariga tashrif buyuradi, deb xabar beradi vazirlik saytida.
Tashqi ishlar vazirligi maʼlumotiga koʻra, tashrif dasturidan qator ikki tomonlama uchrashuv va muzokaralar ham oʻrin olgan.
Eslatib oʻtamiz, Oʻzbekiston — AQSH siyosiy maslahatlashuvlarining oldingi raundi 2019-yil fevral oyida Toshkentda oʻtkazilgan edi.
