Bu haqda davlat rahbari matbuot xizmati xabar berdi.

“Mamlakatda barqarorlik va konstitutsiyaviy tuzumni saqlash maqsadida, Abxaziya Respublikasi Konstitutsiyasining 65-moddasiga muvofiq, men Abxaziya Respublikasi prezidenti lavozimidan iste'foga chiqaman”, deyiladi Bjaniya bayonotida.

Shuningdek, kelishuvga ko'ra, 19-noyabr kuni hukumat binolari hududi va majmuasi ichida to'plangan fuqarolar tarqab ketishi kerak. Agar bu bandga rioya qilinmasa, prezident Bjaniya o'z iste'fosini qaytarib oladi.

19-noyabr kuni Abxaziya Respublikasi Xalq Majlisi – parlamenti prezident Bjaniyaning iste'fosini ko'rib chiqadi, vitse-prezident Badra Gunba esa davlat rahbari vazifasini bajaruvchi bo'ladi, deya РИА Новостиga tayanib xabar beradi eadaily.com.