Uchrashuv avvalida M. Ikramov mehmonni adliya va huquq sohalarida, shu jumladan fuqarolik jamiyati va advokaturani rivojlantirish, sud hokimiyatini yanada takomillashtirish borasida amalga oshirilayotgan islohotlar bilan atroflicha tanishtirdi.
Tomonlar inson huquqlarini himoya qilish sohasidagi ustuvor yoʻnalishlar, xususan, nodavlat notijorat tashkilotlar faoliyati, advokatlik instituti sohalarini rivojlantirish boʻyicha fikr almashdilar.
Konstruktiv tarzda oʻtgan uchrashuvda tomonlar inson huquqlarini himoya yoʻnalishida mutaxassislarning malakasini oshirish boʻyicha hamkorlikda tadbirlar oʻtkazish haqida kelishib oldilar, deb xabar beradi Adliya vazirligi matbuot xizmati.