Bu haqda Amu.tv xabar berdi Afgʻonistonning tabiiy ofatlarni boshqarish idorasiga tayanib.

Maʼlumotlarga koʻra, 26 martdan buyon davom etayotgan toshqinlar qarib 6 ming oilani qamrab olgan. 3 600 dan ortiq uy vayron boʻlgan, qishloq xoʻjaligi yerlarining katta qismi esa zarar koʻrgan.

Soʻnggi bir sutka ichida 11 kishi halok boʻlib, yana 11 kishi jarohat olgan. Toshqinlar Kobul, Nangarhor, Qandahor, Hirot va boshqa 20 dan ortiq viloyatni qamrab olgan.

Rasmiy maʼlumotlarga koʻra, 11 600 jerab (taxminan 5 700 akr) qishloq xoʻjaligi yerlari zararlangan. Shuningdek, 337 kilometrdan ortiq yoʻl infratuzilmasi shikastlangan, bu esa qutqaruv va yordam ishlarini qiyinlashtirmoqda.

Jabrlangan hududlarda yashovchilar uy-joy, oziq-ovqat va toza ichimlik suviga muhtoj ekanini bildirmoqda. Koʻplab oilaлар haligacha boshpanasiz qolgan.

Mahalliy mutasaddilar qutqaruv ishlari olib borilayotganini maʼlum qilgan boʻlsa-da, ofat koʻlami mavjud imkoniyatlardan ancha yuqori ekani qayd etilmoqda.

Ayni paytda, mamlakatdagi gumanitar vaziyat yanada murakkablashmoqda. Avvalroq sodir boʻlgan zilzila ham qurbonlarga sabab boʻlib, vaziyatni ogʻirlashtirgan.

Mutaxassislar taʼkidlashicha, bahor mavsumidagi kuchli yomgʻir va qor erishi Afgʻonistonda suv toshqinlari xavfini oshiradi. Bu esa infratuzilmasi zaif va iqtisodiy qiyinchilikka duch kelayotgan hududlar uchun jiddiy sinov boʻlib qolmoqda.