Bugun, 23-dekabr kuni Oʻzbekiston Respublikasining birodar afgʻon xalqiga 63 vagonda oziq-ovqat, kiyim-kechak hamda koʻmir mahsulotlaridan iborat navbatdagi insonparvarlik yordami ortilgan ezgulik poyezdi Termiz shahridagi “Ayritom” chegara oʻtkazish punkti orqali Afgʻonistonning Mozori Sharif shahriga joʻnatildi.
Yuk poyezdining 23 vagoniga 1000 tonna un, 60 tonna shakar, 200 tonna guruch, 10 ming dona yogʻ, 26 ming 500 dona murabbo, 26 ming 200 dona sabzavot konservasi, 30 tonna pishiriq, 14 ming 200 dona bir martalik tayyor ovqat (doshirak), 20 ming dona ayollar va erkaklar kiyimi, 15 ming dona erkaklar, ayollar va bolalar paypogʻi joylangan.
Shuningdek, 40 vagonga koʻmir yoqilgʻisi yuklangan.
Jami 9 vagondan iborat “Salomatlik” tibbiy-sanitar yordami joriy yil 25-30-dekabr kunlari Afgʻonistonning Balx viloyatida bir guruh aholi malakali shifokorlarimiz tomonidan bepul tibbiy koʻrikdan oʻtkaziladi.
Oʻzbekistonning Afgʻonistondagi yangi tayinlangan Favqulodda va muxtor elchisi Oybek Usmonov Tolibon muvaqqat hukumati tashqi siyosat idorasi rahbari Mavlaviy Amirxon Muttaqiyga ishonch yorligʻi nusxasini topshirdi.
Safar asnosida mamlakatimiz tomonidan barpo etilayotgan Balh viloyatidagi Imom al-Buxoriy madrasasi, Mozori Sharif shahrida joylashgan “Ravzai Sharif” masjid-majmuasi, Kobul shahridagi “Pagʻmon qasri” majmuasi kabilarni ziyorat qilindi.
Oʻzbekiston tashqi ishlar vaziri Baxtiyor Saidov kecha Afgʻoniston diplomatik vakolatxonasining yangi rahbari Abdul Gʻaffor Teraviyni qabul qildi, deb xabar qilmoqda Dunyo AA.
