Mutaxassislar Yerning tabiiy yoʻldoshida toʻplangan materiallar Quyoshning energiya oqimi intensivligini 2% ga kamaytirishga qodir ekanligini hisoblab chiqishdi.
Gʻoyani amalga oshirish uchun har yili millionlab tonna changni ajratib olish va elakdan oʻtkazish, ularni maxsus qurilmaga yuklash va koinotga chang zaryadlarini chiqarish, shu orqali “Quyosh qalqoni”ni qoʻllab-quvvatlash kerak boʻladi.
Tadqiqot mualliflaridan biri Ben Bromlining aytishicha, bu yondashuvning asosiy afzalligi shundaki, odamlar Yerdagi jarayonlarga aralashmaydi. Bundan tashqari, bu global isishga qarshi kurash uchun iqtisodiy rivojlanishga rahna solmaydi. Bu odamga uglerod neytralligiga erishish uchun vaqt va resurslar beradi.
Biroq bu loyihaning inkor etuvchilar ham bor. Olimlar hamkasblarining gʻoyasini ilm-fan nuqtayi nazaridan qiziqarli deb topishdi, ammo ularning fikricha, uni amalga oshirish juda qiyin boʻladi. Ushbu dastur juda koʻp pul talab qiladi, bundan tashqari, oyda joylashganligi sababli uning rivojlanishini nazorat qilish qiyin kechadi, deb xabar beradi mir24.tv.
