DHS matbuot xizmatiga ko'ra, “ketish bonusi” hozirda 1000 dollardan 3000 dollarga ko'tarilgan.
Bu qadam majburiy deportatsiya xarajatlarini kamaytirish strategiyasining bir qismidir.
AQShdagi qonuniy jihatdan asosi yo'q migrantlar, oldin jinoyat sodir etmagan (yoki og'ir jinoyatlar uchun hibsga olinmagan) shaxslar va joriy yil oxirigacha yangilangan CBP Home mobil ilovasi orqali murojaat qiladiganlarga ana shuncha mablag' beriladi.
AQSh hukumati ularning o'z mamlakatlariga parvozi xarajatlarini to'liq qoplaydi. Ishtirokchilar uchun fuqarolik jarimalari va immigratsiya qoidalarini buzganliklari uchun jarimalardan voz kechiladi. “O'zini o'zi deportatsiya qilish”ga qaror qilganlar majburiy ravishda deportatsiya qilingan va doimiy ravishda taqiqlanganlardan farqli o'laroq, kelajakda AQShga qonuniy ravishda qaytish uchun nazariy imkoniyatni saqlab qolishadi.
Noqonuniy muhojirni hibsga olish, hibsda saqlash va majburiy deportatsiya qilishning o'rtacha narxi taxminan 17 000 dollarni tashkil qiladi. 3000 dollarlik to'lov, shu jumladan chipta, bir kishi uchun byudjet xarajatlarining 70 foizdan ko'prog'ini tejaydi.
“Ushbu yangi yil mavsumida amerikalik soliq to'lovchilar ixtiyoriy ravishda ketish uchun rag'batni uch baravar oshirdi. Bu noqonuniy muhojirlar o'zlari va oilalariga beradigan eng yaxshi sovg'adir”, dedi Milliy xavfsizlik vaziri Kristi Noyem.
Chegirmali taklif faqat Yangi yilga qadar amal qiladi. 2026-yildan boshlab ommaviy reydlar va hibsga olishlarning yangi to'lqini kutilmoqda. 2025-yilning yanvaridan boshlab 1,9 million kishi ixtiyoriy ravishda AQShni tark etgan. Taklifni rad etadiganlar hibsga olinadi va AQShga kirish doimiy taqiqlanadi, deb xabar berdi korrespondent.net.
