Bu haqda Reuters xabar berdi.
Muzlagan daraxt shoxlarining elektr uzatish tarmoqlariga tushib ketishi elektr uzilishlariga sabab bo'ldi.
Noqulay ob-havo tufayli aviakompaniyalar 25-yanvar kuni 11 000 dan ortiq reyslarni bekor qildi. Xususan, Ronald Reygan nomidagi Vashington xalqaro aeroporti faoliyati butunlay to'xtatildi.
Milliy ob-havo xizmati (NWS) qor yog'ishi 26-yanvar, dushanba kuni ertalabgacha davom etishi, shundan so'ng rekord darajadagi qattiq sovuq bo'lishi, do'l yog'ishi va kuchli shamol esishi kutilayotgani haqida ogohlantirdi.
Bo'ron oqibatida allaqachon o'n bir kishi halok bo'lgan. Tennessi, Kanzas, Nyu-York, Texas, Luiziana va Michigan shtatlarida ob-havo bilan bog'liq o'limlar qayd etilgan.
24 shtatdagi rasmiylar qor bo'ronidan keyin keng ko'lamli tozalash va tiklash ishlariga tayyorgarlik ko'rish uchun favqulodda holat e'lon qilishdi.
200 milliondan ortiq amerikaliklar noqulay ob-havoning oqibatlariga duch kelishadi. Mamlakat bo'ylab oziq-ovqat do'konlari tezda bo'shab qoldi va ko'plab hududlardagi aholi yaqin kunlarda tashqi dunyodan uzilib qolish ehtimoliga tayyorgarlik ko'rishdi.
AQSh Ichki xavfsizlik vaziri Kristi Noum Favqulodda vaziyatlarni boshqarish federal agentligi qishki bo'ronga oldindan tayyorgarlik ko'rganini aytdi, deb xabar berdi korrespondent.net.
