Depressiya belgilari, shu jumladan kuzgi depressiya, koʻpincha holsizlik, energiya yetishmasligi va ovqatlanishning buzilishini oʻz ichiga oladi. Bu omillarning barchasi insonning ish qobiliyati va samaradorligini sezilarli darajada pasaytiradi, deb tushuntirdi shifokor Yevgeniy Fomin. Uning soʻzlariga koʻra, ruhiy kasallik yurak-qon tomir kasalliklariga qaraganda zararli boʻlib qoldi.

“Depressiya — bu asr kasalligidir. Bugungi kunda depressiv holat, depressiv tashvish juda koʻp. Depressiya koʻpincha xotirjamlikning buzilishi bilan bogʻliq. Ushbu kasallik hozirgi kunda yoshi katta insonlarning mehnatga layoqatsizligi tufayli birinchi oʻrinni egallamoqda. Ilgari yurak-qon tomir kasalliklari, yurak xuruji, insult, infarkt xavfli hisoblanardi. Endi uning oʻrnini ruhiy tushkunlik, bezovtalik, yaʼni ruhiy kasalliklar egalladi”, — dedi psixiatr “Sputnik” radiosiga.

Yevgeniy Fomin depressiya sharoitlari bilan shugʻullanish uchun universal “tabletka”ni tavsiya qildi. Uning soʻzlariga koʻra, bu “tabletka” — sport.

“Qanday kurashish kerak? Avvalambor, men sportni tavsiya qilaman, chunki bu universal “tabletka”. Har qanday oʻzgarish va har qanday kishiga mos keladi. Bu oddiy badantarbiya, suzish yoki yugurish boʻlishi mumkin. Mushaklarni chiniqtiradigan har qanday sport turi bilan shugʻullangandan keyin inson oʻzini ancha yaxshi his qiladi. Bu depressiv holatning oldini olish”, — deya tushuntirdi psixiatr.