Olimlar butun dunyo bo'ylab o'nlab teleskoplarni birlashtirgan Event Horizon Telescope loyihasi yordamida 2019-yilda qora tuynukning birinchi suratini yaratishdi. Bu og'irligi taxminan 6,5 milliard quyoshga teng bo'lgan supermassiv qora tuynukning fotosurati edi.
Bu qora tuynuk bizdan 55 million yorug'lik yili uzoqlikda joylashgan ulkan elliptik galaktika Mess`e 87 yoki M87 markazida joylashgan.
Yillar davomida olimlar ushbu qora tuynukning yana bir yashirin xususiyati — foton halqasi deb ataladigan, qora tuynukning tortishish ta'sirini engib o'tishga harakat qilayotgan nozik foton halqasini topishga harakat qilishdi. O'ta massali qora tuynukning asl tasvirini qayta ishlash va yangilash natijasida olimlar fotonlarni — qora tuynukning kuchli tortishish kuchi tufayli ob'ektning hodisa gorizonti atrofida bir necha marta aylanishlarni amalga oshiradigan yorug'lik zarralarini aniqlashga muvaffaq bo'lishdi. Ular shu tariqa fotonik halqa hosil qiladi.
