Ochilish marosimida viloyat va tuman hokimligi, oliy taʼlim va madaniyat sohasi vakillari, olimning shogirdlari, pedagoglar hamda mahalla faollari ishtirok etdilar.
Akademik Nazar Toʻrayev 1938-yilda Denov tumanida tugʻilgan. U 60-yillik ilmiy faoliyati davomida koʻplab nufuzli ilmiy va rahbarlik lavozimlarida samarali mehnat qilgan. Jumladan, Termiz davlat universiteti rektori, Fanlar akademiyasi huzuridagi “FANUM” ilmiy-oʻquv markazi direktori lavozimlarida faoliyat yuritgan. 1990–1995-yillarda esa Oʻzbekiston Respublikasi Oliy Kengashi deputati sifatida ishlagan.
Uy muzeyining tashkil etilishi – yosh avlodda ilm-fanga boʻlgan qiziqishni oshirish, milliy gʻurur va qadriyatlarni mustahkamlash yoʻlida muhim qadamlardan biri hisoblanadi.
