Quyidagilar ilmiy-tadqiqot instituti faoliyatining asosiy yoʻnalishlari etib belgilangan:
- atrof-muhitning joriy holatini oʻrganish, ifloslantiruvchi moddalarning bioxilma-xillikka, jumladan, noyob, yoʻq boʻlib ketish arafasida turgan oʻsimlik hamda hayvon turlariga taʼsirini oʻrganish;
- yer resurslarini muhofaza qilish, yerlar degradatsiyasiga qarshi kurashish boʻyicha ilmiy tadqiqotlar olib borish;
- yer osti va yer usti suvlari ifloslanishining oldini olish, oqova suvlarni tozalash va qayta ishlash boʻyicha samarali usul hamda texnologiyalarni ishlab chiqish;
- atmosfera havosining joriy holati, undagi ifloslantiruvchi moddalarning atrof-muhit va tabiatga taʼsirini tahlil qilish, atmosfera havosining ifloslanishini kamaytirishni taʼminlovchi yangi, samarali uslub va texnologiyalarni ishlab chiqish;
- maishiy va turli chiqindilarni qayta ishlash va utilizatsiya qilishni taʼminlovchi samarali uslub hamda texnologiyalarni ishlab chiqish;
- “yashil” va resurs tejamkor texnologiyalarni joriy etish va boshqalar.
Institut ekologiya va atrof-muhitni muhofaza qilish sohasida tayanch ilmiy tashkilot va davlat buyurtmalari boʻyicha asosiy ijrochi hisoblanadi.
