Mehmonlar Toshkentda yoshlar uchun biznesni boshlash va yuritishga undashga bagʻishlangan global forum oʻtkazish tashabbusini bildirdilar. Uning doirasida shaxsiy uchrashuvlar, fikr almashish, ishtirokchilarning muloqoti va zarur netvorkingni shakllantirish bagʻishlangan tadbirlarni oʻtkazish muhimligiga eʼtibor qaratib, bu biznesni rivojlantirish uchun bebaho tajriba boʻlishini taʼkidladilar, deb xabar beradi Toshkent shahar hokimligi matbuot xizmati.
Uyushma bunday forumlarni Rossiya (Moskva, Sankt-Peterburg), Hindiston, Qozogʻiston va Misrda oʻtkazish tajribasiga ega. Global forum formati uning uchun ahamiyatli boʻlgan jihatlar qatori oʻz sohasida muvaffaqiyatga erishgan mashhur va muvaffaqiyatli maʼruzachi-rahbarlarning motivatsion taqdimotlarini oʻz ichiga oladi. Bunday forumning maqsadlari orasida nafaqat yoshlarni yangi biznesni boshlashga ilhomlantirish, balki ishbilarmonlarga amaldagi loyihalarni kengaytirishga koʻmaklashish ham boʻlib, bu pirovardida yangi kompaniyalarning paydo boʻlishiga, ishlab chiqarish quvvatlarining oshishiga, yangi xizmatlar va buning natijasida ish oʻrinlari yaratilishiga xizmat qiladi.
