Bu haqda Bosh prokuratura huzuridagi Departament maʼlum qildi.
Departamentning Mirobod tuman boʻlimi tomonidan tadbirkorlik subyektlarining huquqlarini himoya qilish yuzasidan oʻtkazilgan tergovga qadar tekshiruvda, “E-E.» MCHJning moddiy javobgar shaxslari boʻlgan avia-operatorlari aviachiptalar sotuvidan tushgan 771,2 mln soʻm va 58,7 ming AQSH dollarini kirim qilmasdan talon-toroj qilishib, jamiyat manfaatlariga juda koʻp miqdorda zarar yetkazganliklari aniqlangan.
Mazkur holat yuzasidan MCHJning moddiy javobgar shaxslariga nisbatan Jinoyat kodeksining 167-moddasi (talon-toroj qilish) bilan jinoyat ishi qoʻzgʻatilib, tergov harakatlari oʻtkazilmoqda.