Yangi janubiy uelslik bemor og'ir yurak yetishmovchiligidan aziyat chekardi. U ixtiyoriy ravishda sun'iy yurak transplantatsiyasi amalga oshirilgan Avstraliyadagi birinchi va dunyoda oltinchi bemorga aylandi. Shifokorlar qurilmani 2024-yil 22-noyabrda Sidneydagi Muqaddas Vinsent shifoxonasida o'rnatishdi. Sun'iy yurak vaqtinchalik yechim edi, chunki bemor donor yuragini kutdi.

BiVACOR implantati avstraliyalik olim Deniel Timms tomonidan ishlab chiqilgan. Bu rotor nasos va magnit levitatsiya asosida ishlaydigan dunyodagi birinchi qurilma – bu mexanizm tabiiy qon oqimini imitatsiya qilish imkonini beradi.

Birinchi beshta sun'iy yurak implantatsiyasi 2024-yilda AQShda amalga oshirilgan. Barcha bemorlarga donor yuraklari o'rnatildi, ammo implantatsiya va transplantatsiya o'rtasida davom etgan eng uzoq vaqt – 27 kun edi. O'z navbatida, avstraliyalik bemor uch oydan ortiq vaqt davomida sun'iy yurak bilan yashadi.

Avstraliya hukumati ma'lumotlariga ko'ra, 23 milliondan ortiq odam yurak yetishmovchiligidan aziyat chekmoqda, ammo ulardan atigi 6 ming nafariga donor yuragi o'rnatiladi. Ushbu muammoni hal qilish uchun hukumat sun'iy yurak texnologiyasini rivojlantirish uchun 50 million dollar ajratdi.

Professor Kris Xeyvord BiVACOR yurak yetishmovchiligini davolashni o'zgartirishiga ishonchi komil.

“Keyingi o'n yil ichida sun'iy yurak donor yuragini kuta olmaydigan bemorlar uchun haqiqiy muqobilga aylanadi”, dedi u.

Hozircha qurilma vaqtinchalik echim sifatida ko'rilmoqda, biroq kelajakda ishlab chiquvchilar uni yurakning doimiy o'rnini bosuvchi qilib ishlab chiqmoqchi. Biroq, professor Devid Kolkuxun implant hozirda atigi 100 kun davomida, donor yurak esa o'n yildan ortiq (yoki 3000 kun) xizmat qilishini ta'kidladi. Shu sababli, sun'iy yurakni transplantatsiya o'rnini bosuvchi deb hisoblash uchun hali erta, deb xabar beradi rbc.ru.