Bunday tartib Prezidentning “Mehnat munosabatlari va kasbga tayyorlash tizimini takomillashtirish hamda ish beruvchilarni ragʻbatlantirishga oid qoʻshimcha chora-tadbirlar toʻgʻrisida”gi farmoni (PF–126-son, 04.08.2025-y.)da belgilandi.
Farmonga koʻra, “Kasb vaucheri” ssuda sifatida beriladi va shaxs oʻqishni tugatib sertifikat olgach, ishga joylashganidan soʻng ssudani 2-yil davomida Bandlikka koʻmaklashish davlat jamgʻarmasiga qaytaradi.
Quyidagi shaxslarga kasb-hunar kurslarida taʼlim olish davrida Jamgʻarma hisobidan mehnatga haq toʻlash eng kam miqdorining 1 baravari miqdorida stipendiya toʻlanadi:
- nogironligi boʻlgan shaxslarga;
- 3 oydan ortiq davom etadigan kurslarda taʼlim olayotgan Kambagʻal oilalar reyestridagi oilalar aʼzolariga;
- doimiy yashash joyidan boshqa hududga qatnab taʼlim olayotgan shaxslarga.
Bunda ishsizlik nafaqasi toʻlanishi davrida oʻquvchilarga stipendiya tayinlanmaydi.
