Transport vazirligining xabar berishicha, loyiha boʻyicha “Baytqoʻrgʻon – Parkent“ elektrlashtirilgan temir yoʻli umumiy uzunligi 23,8 kilometrdan iborat boʻladi.
Yangi yoʻnalishni loyihalash ishlari “Boshtransloyiha“ aksiyadorlik jamiyati, qurilish ishlari esa temiryoʻlchi mutaxassislar tomonidan amalga oshiriladi.
Ushbu yangi loyiha yakuniga yetib, foydalanishga topshirilgach Parkent tumanining togʻli soʻlim goʻshalariga tashrif buyuruvchilar, ayniqsa, sayyohlar oqimi sezilarli darajada ortishiga zamin yaratiladi.
