Maqolada taʼkidlanishicha, Belgiyaing Toshkentda diplomatik vakolatxona ochish qarori mamlakatimizning Markaziy Osiyodagi siyosiy va iqtisodiy ahamiyati ortib borayotganidan dalolat beradi. Bu qadam, shuningdek, Yevropa davlatlarining mintaqa bilan strategik aloqalarni mustahkamlashga boʻlgan qiziqushi kuchayib borayotganini korsatadi.

Belgiya Oʻzbekiston mustaqilligini 1991 yilda tan olgan, ikki davlat oʻrtasida diplomatik munosabatlar esa 1992 yilda oʻrnatilgan. 1995 yildan buyon Oʻzbekistonning Bryusseldagi elchixonasi faoliyat yuritib kelmoqda.

Nashrlarda qayd etilishicha, Prezident Shavkat Mirziyoyev tomonidan amalga oshirilayotgan ochiq va pragmatik tashqi siyosat natijasida Oʻzbekiston Yevropa davlatlari uchun muhim strategik sherikka aylanmoqda. Xususan, davlat rahbarining 2025 yilda Bryusselga tashrifi hamda Belgiya qiroll Filipp bilan uchrashuvi ikki mamlakat oʻrtasidagi hamkorlikni yanada faollashtirgan.

Iqtisodiy aloqalar ham izchil rivojlanmoqda. Maʼlumotlarga koʻra, Oʻzbekiston va Belgiya oʻrtasidagi savdo aylanmasi 2020 yildagi 70 million dollardan 2024 yilda 212,7 million dollarga etgan.

Belgiyaing «Picanol» va «Van de Wiele» kompaniyalari mamlakatimiz toʻqimachilik sanoatini modernizatsiya qilishda ishtirok etmoqda. Shuningdek, yashil energetika, logistika, farmatsevtika, qishloq xoʻjaligi va axborot texnologiyalari sohalarida ham hamkorlik kengayib bormoqda.

Mualliflar fikricha, Belgiyaing Toshkentda elchixona ochishi nafaqat diplomatik voqea, balki Oʻzbekistonning Markaziy Osiyodagi strategik oʻrni va Yevropa bilan iqtisodiy hamda geosiyosiy integratsiyadagi ahamiyatining eʼtirofi hisoblanadi.