Bu haqda Belgiya Bosh vaziri Bart De Vever BMT Bosh Assambleya sessiyasi chog'ida ma'lum qildi, deb xabar berdi report.az.
“Belgiya har doim ikki davlat tamoyilini himoya qilib kelgan va bugun Nyu-York deklaratsiyasini imzolagan davlatlar qatoriga qo'shildi. Faqat shunday yechim Isroil va Falastin xalqiga tinchlik va xavfsizlikda yonma-yon yashash imkonini beradi”, deb ta'kidladi hukumat rahbari.
“Isroillik siyosatchilar, jumladan, Bosh vazir [Binyamin Netanyaxu]ning Falastin davlati mavjud bo'lmaydi, degan so'nggi bayonotlari bu masalada falastinliklarni qo'llab-quvvatlash uchun qo'shimcha sababdir. Shuning uchun Belgiya bugun Falastin davlatini tan olganini e'lon qilgan davlatlar guruhiga qo'shilish orqali butun dunyoga kuchli siyosiy signal yubormoqda”, dedi Vever.
