Al Ekhbariya telekanali xabariga koʻra, “Real” hujumchisi Karim Benzema faoliyatini Saudiya Arabistonida davom ettiradi.
Futbolchi “Al-Ittihod” bilan kelishuvga erishgan. Jidda shahri klubi va Fransiya terma jamoasi hujumchisi oʻrtasida 2 yillik shartnoma imzolangan.
Sal oldinroq Benzemaning Saudiya Arabistoni klubiga oʻtishi, “Al-Ittihod” unga 2 yilga 200 million yevro maosh taklif qilgani haqida xabarlar tarqalgandi.
Taʼkidlash joizki, “Al-Ittihod” joriy yilda Saudiya Arabistoni chempioni boʻldi.
