Birinchisi, Buxoro viloyatining Buxoro tumanida quvvati 270 megavatt boʻlgan gaz-porshenli issiqlik elektr stansiyasi;
Ikkinchisi, Toshkent viloyatining Qibray tumanida quvvati 240 megavatt boʻlgan bugʻ-gaz qurilmasi;
Uchinchisi, Xorazm viloyatining Yangiariq tumanida quvvati 174 megavatt boʻlgan yangi issiqlik elektr stansiyasi;
Toʻrtinchisi, Toshkent viloyatining Qibray tumanida quvvati 230 megavatt boʻlgan gaz-porshenli issiqlik elektr stansiyasi;
Beshinchisi, Toshkent viloyatining Qibray tumanida quvvati 240 megavatt boʻlgan zamonaviy issiqlik elektr stansiyasi;
Oltinchisi, Samarqand viloyatining Nurobod tumanida quvvati 100 megavatt boʻlgan quyosh fotoelektr stansiyasi ishga tushirildi.
Ushbu 6 ta elektr stansiya yiliga 9 milliard 660 million kilovatt-soat elektr energiya ishlab chiqaradi. Qurilmalarning energiya tejamkorligi hisobiga yiliga 1 milliard 353 million metr kub tabiiy gaz tejalishiga erishiladi.
Stansiyalar qurilishi davomida 3 260 nafar ish oʻrni yaratilgan boʻlsa, ular ishga tushishi natijasida 445 nafar yangi ish oʻrni yaratildi.
Maʼlumot uchun: Joriy yil yakuniga qadar Sirdaryo viloyatining Xovos tumanida quvvati 220 megavatt boʻlgan yangi issiqlik elektr stansiyasi (7-elektr stansiya) ishga tushiriladi, deb xabar beradi Energetika vazirligi Matbuot xizmati.