Fransiyaning Shatoru shahrida para o‘q otish bo‘yicha o‘tkazilgan Jahon kubogida yurtimiz sharafini himoya qilgan paralimpiyachimiz Server Ibragimov Parij-2024ga yo‘llanma oldi.
Fransiyada para oʻq otish boʻyicha Jahon kubogi musobaqalari boʻlib oʻtdi. Unda ishtirok etgan hamyurtimiz Server Ibragimov 50 metrga toʻpponchadan oʻq otish boʻyicha bronza, 10 metrga oʻq otish boʻyicha esa kumush medal sohibiga aylandi.
Bu muvaffaqiyatdan soʻng S. Ibragimov 2024-yili Parijda oʻtadigan XVII Paralimpiya oʻyinlar litsenziyasini qoʻlga kiritgan oʻzbekistonlik birinchi sportchiga aylandi.
Para pauerlifting boʻyicha ayollar oʻrtasida -73 kg vazn toifasida bahslarda ishtirok etgan hamyurtimiz Roʻza Kuziyeva 147 kg natija qayd etgan holda delegatsiyamiz hisobiga 9-kumush medalni qoʻshib qoʻydi.
Para yengil atletika boʻyicha ayollar oʻrtasida F54 klassida nayza uloqtirish dasturida Nurxon Qurbonova 21.12 metr natija qayd etgan holda jahon rekordini yangiladi va delegatsiyamiz hisobiga 10-oltin medalni qoʻshib qoʻydi.
