Metallurgiya sanoat ishlab chiqarishda yetakchi hisoblangan davlatlarda iqtisodiyotning hal 
qiluvchi  tarmog'i hisoblanadi.  Aynan  metallurgiya  boshqa sohalarga ham global bozorda 
ustuvorlik qilishga, xususan  sifatli prokat ishlab chiqarishga ko'maklashadi. 
So'nggi yillarda respublikamizda metallurgiya sanoati tobora rivojlanib bormoqda. Sohaga 
yangi va ilg'or innovatsion yondashuvlar asosida xorijiy investitsiyalar keng qo'llanilmoqda.
Statistik ma'lumotlarga ko'ra, mamlakatimizda joriy yilning yanvar`-iyun` oylarida 755,9 mln. 
AQSH dollarlik 191,4 ming tonna metallurgiya sanoati mahsulotlari eksporti amalga oshirildi.
– Toshkent metallurgiya zavodi mamlakatimizdagi texnik va texnologik jihatdan xalqaro 
miqyosdagi yirik majmualar qatoriga kiradi, – “Sirg'ali” TIF bojxona posti xodimi Aziz 
Mansurov. – Bu yerda Italiya, Germaniya, Rossiya, Avstriya, Shveytsariya, Janubiy Koreya kabi 27 ta 
mamlakatdan asbob-uskunalar keltirib o'rnatilgan. Ishlab chiqarish, nazorat qilish va boshqarish 
jarayonlari avtomatlashtirilgan. Zavodda 650 dan ortiq xodimlar mehnat qiladi.
Eng muhimi, zavodda “yashil” texnologiyalar qo'llangan. Chiqindilarni qisqartirib, qat'iy 
ekologik me'yorlarga amal qiladigan, chiqindi gazlarni ushlab qoladigan, oqova suvlarni 
tozalaydigan va boshqa zarur uskunalar bilan jihozlangan.
Zavod tomonidan ishlab chiqarilgan mahsulotlar Toshkent shahar bojxona boshqarmasi “Sirg'ali” 
tashqi iqtisodiy faoliyat bojxona posti orqali xorij bozorlariga yo'naltiriladi. 
Bojxona posti xodimlari eksport-import operatsiyalarini amalga oshirishda korxona vakillariga 
amaliy yordam berib kelishmoqda.
Ma'lumot o'rnida, zavodda o'rnatilgan zamonaviy texnologik asbob-uskunalar yordamida joriy 
yilning o'tgan davrida 3,7 mln.dollarlik 3 ming tonnadan ortiq metallurgiya sanoati 
mahsulotlari eksport qilindi. 
Mazkur ko'rsatkichning asosiy qismi Afg'oniston, Rosssiya Federatsiyasi, Qozog'iston, Qirg'iziston 
davlatlari hisobiga to'g'ri kelmoqda.