Qayd etilishicha, musobaqada ishtirok etgan 3 nafar Oʻzbekiston terma jamoasi aʼzosi chempionlik uchun ringga koʻtarildi. Hamyurtlarimizdan Abdumalik Xalokov (-60 kg) va Toʻrabek Habibullayev (-90 kg) final janglarini muvaffaqiyatli oʻtkazib, oltin medalga ega chiqdi. Asadxoʻja Moʻydinxoʻjayev (-70 kg) esa turnirni kumush medal bilan yakunladi.

Qayd etish joiz, musobaqa davomida yorqin janglari bilan ajralib turgan Abdumalik Xalokov “Turnirning eng yaxshi erkak bokschisi“ deb topildi.

Oltin medal

• -60 kg: Abdumalik Xalokov
• -90 kg: Toʻrabek Habibullayev

Kumush medal

• -70 kg: Asadxoʻja Moʻydinxoʻjayev