Buvayda tumanida plastik kartadan pul oʻgʻirlagan shaxs aniqlandi

Xavfsizlik 5 may 2022, 15:13 1 056

12-fevral kuni fuqaro Gʻ.X IIBga murojaat qilib, unda 24-yanvar kuni nomaʼlum shaxs tegishli bank tomonidan rasmiylashtirilgan plastik kartasini boshqarish imkoniyatini qoʻlga kiritib, plastik kartasida boʻlgan 2.020.000 soʻm pullarini yashirin ravishda oʻgʻirlaganligini maʼlum qilgan.

Bu haqda Fargʻona viloyati IIB Axborot xizmati maʼlum qildi.

Mazkur holat yuzasidan Buvayda tumani IIB huzuridagi tergov boʻlinmasi tomonidan Jinoyat kodeksining 169-moddasi 3-qismi “a” bandi bilan jinoyat ishi qoʻzgʻatilgan.Fargʻona viloyati IIB JQB TEQKB va tuman IIB JQB xodimlari tomonidan olib borilgan tezkor-surishtiruv harakatlari davomida ushbu jinoyatni R.O sodir etganligi aniqlanib, tergov harakatlari olib borilmoqda.

"Eslatib oʻtamiz, Jinoyat kodeksining 169-moddasi 3-qismida koʻrsatilgan jinoyatni sodir etgan shaxs 8 yilgacha ozodlikdan mahrum qilish bilan jazolanishi mumkin.

Hurmatli fuqarolar, oʻz mol-mulkingiz, pul mablagʻlaringizni ehtiyot qiling! Bu bilan oʻgʻirlik jinoyatlarining oldini olishga hissa qoʻshgan boʻlasiz," deyiladi xabarda.