Xabarda hozir mazkur stansiyani Oʻzbekistonning yagona elektr tarmogʻiga ulash boʻyicha ishlar jadallashtirilayotgani aytilgan. Stansiya yaqin 2-3 kun ichida tarmoqqa quvvat uzatishni boshlaydi.
Ushbu issiqlik elektr stansiyasi Buxoro viloyatida birinchisi hisoblanadi. Stansiya yiliga 2,2 milliard kilovatt-soat elektr energiyasi ishlab chiqaradi.
Loyiha qurilmalarining foydali ish koefitsiyentining yuqoriligi hisobiga yillik 260 million metr kub tabiiy gaz tejaladi. Tejalgan tabiiy gazga qoʻshimcha 900 million kilovatt-soat elektr energiyasi ishlab chiqarish imkoni yaratiladi, buning natijasida (ushbu 900 million kilovatt-soat elektr energiyasi bilan) 450 ming xonadon elektr energiyasi bilan taʼminlanadi.
Qurilish davomida 500 nafar ishchi-xodimlar faoliyat yuritgan boʻlsa, loyiha ishga tushishi natijasida, tumanda 100 nafar yangi ish oʻrni yaratildi.
Eslatib oʻtamiz, ushbu investitsiya loyihasi Prezidentimizning 2021-yil 4-martdagi PQ-5018-son qaroriga muvofiq davlat-xususiy sheriklik tamoyillari asosida amalga oshirildi.