Mazkur holat oʻrganilib, holatga huquqiy baho berish maqsadida 14-iyul kuni IIVga tegishli soʻrov berildi, deya xabar beradi Bolalar ombudsmani.

Toshkent shahri, Yakkasaroy tumani IIB tomonidan aniqlanishicha, blogerlik bilan shugʻullanuvchi ayol A.G. (1993- yilda tugʻilgan) 13-iyul kuni Toshkent viloyatida oilaviy dam olish vaqtida kichik yoshdagi oʻgʻli va jiyanini goʻyoki hazillashib urishtirgan va bu holat tasvirlangan videoni oʻz Instagram sahifasiga joylashtirgan.

Kecha, 15-iyul kuni fuqaro G.A. bola manfaatiga zid harakatlari uchun Maʼmuriy javobgarlik toʻgʻrisidagi kodeksning 47-moddasi (Bolalarni tarbiyalash va ularga taʼlim berish borasidagi majburiyatini bajarmaslik) bilan javobgarlikka tortildi.

Hozirda mazkur oila mutasaddilar tomonidan alohida nazoratga olingan.