Shu yilning 21-aprel kuni Toshkent xalqaro aeroportining uchinchi terminalida Saudiya Arabistonida futbol boʻyicha oʻtgan oʻsmirlar oʻrtasidagi Osiyo kubogida gʻoliblikni qoʻlga kiritgan Oʻzbekiston U-17 terma jamoasini tantanali kutib olish marosimi boʻlib oʻtdi.
Ushbu marosimda Oʻzbekiston Respublikasi Prezidenti Shavkat Mirziyoyevning Oʻzbekiston terma jamoasiga yoʻllagan tabriklarini Bosh vazir Abdulla Aripov oʻqib eshittirdi.
Shuningdek, tantanali marosim doirasida Prezidentimizning Farmonlariga binoan oʻsmirlar terma jamoasi futbolchilari va bosh murabbiyiga Davlat mukofotlari hamda mamlakatimizda ishlab chiqarilgan avtomobillar topshirildi.
