Endilikda, amalga oshirilgan chora-tadbirlar ushbu talabgir modellarning ishlab chiqarish hajmini yiliga 150 ming donaga bosqichma-bosqich oshirish imkonini beradi, bu esa oʻz navbatida yetkazib berish muddatiga ham oʻz taʼsirini oʻtkazadi.
2016-yildan buyon zavodning ishlab chiqarish quvvatini bosqichma-bosqich oshirish ishlab chiqarish hajmini deyarli 5 barobar koʻpaytirishga imkon berdi. UzAuto Motorsʻning Xorazm filialida ishlab chiqarishni optimallashtirish va modernizatsiya qilish boʻyicha olib borilgan tizimli ishlar 2022-yilga kelib ishlab chiqarish hajmini 93 000 dan ortiq avtomobilga oshirdi (2021-yilga nisbatan qariyb 30 foizga koʻp).
UzAuto Motors 2021-yilda ishlab chiqarish hajmini oshirish dasturi doirasida Pitnak shahrida yangi press-sexni ishga tushirdi. 1 gektardan ortiq hududda yoʻlga qoʻyilgan ishlab chiqarish, maksimal quvvatga erishgandan soʻng har yili 12 ming tonna metall listdan Chevrolet Damas va Labo modellari uchun 7 million donagacha turli shtamplash kuzov qismlarini ishlab chiqarish imkonini beradi.
