Qadimdan chorvachilik Surxondaryo ahlining doimiy mashg'ulotlaridan biri bo'lib kelgan. Har xonadonda bo'lmasa ham, har ikkidan bir uyda chorva mollari boqiladi. Odamlar kundalik iste'mol mahsulotlarining ma'lum qismini xonadonidagi chorva, parranda mollaridan oladi.
Vohada aholining go'sht, sut va tuxum maxsulotlariga bo'lgan ehtiyojini to'laroq qondirish maqsadida chorva mollarining tuyoq sonini oshirish, hududning iqlim sharoitiga mos keladigan zotli qoramollarni xorijdan bo'lsada olib kelinishi hamda xalqimizning oziq-ovqat maxsulotlariga, xususan go'sht, sut va tuxum maxsulotlariga bo'lgan extiyojini to'la qondirish borasida tizimli ishlar amalga oshirilmoqda.
Natijada, 2022-yil 1-yanvar holatiga ko'ra, Surxondaryo viloyatida barcha toifadagi xo'jaliklarda yirik shoxli mollar 1 023,6 ming bosh, ya`ni o'tgan yilga nisbatan 103 foizga o'sgan. Shundan sigirlar 396,3 ming bosh, qo'y va echkilar 2 478,7 ming bosh, otlar 15 436 bosh, parrandalar 5 079,7 ming bosh ko'payishiga erishilgan.
Birgina Qumqo'rg'on tumani misolida oladigan bo'lsak, tumanda nafaqat qoramollar, balki parrandachilikning xadisini olgan tadbirkorlar ham mavjud. Ulardan biri qumqo'rg'onlik Meliboy Boboyev. U kishi tumanning adirlik joyidan 2 gektar yer maydoni olib, unga parrandachilik kompleksi qurib ishga tushirdi. Natijada kompleksga 15 ming boshdan ziyod parranda parvarishlanmoqda, egaligidagi parrandalar kuniga 11 mingtadan ziyod tuxum maxsulotlari berishyapti.
Olingan maxsulotlar nafaqat ichki bozorlar, balki qo'shni respublikalarga ham etkazib berilmoqda. Pirovardida, yangi ishga tushirilgan parrandachilik kompleksida 10 nafar ish o'rni yaratilib, mahalliy aholimizning ish bilan bandligi ham ta`minlanmoqda.
Parrandachilikka ixtisoslashtirilgan yana 4 ta istiqbolli loyihalar amalga oshirilishi uchun 8 milliard 36 million so'm mablag' ajratilgan va bu loyihalar bo'yicha yana 10 gektar yer maydoni ajratilishi ko'zda tutilgan. Ushbu ishlarni amalga oshirilishidan ko'zlangan asosiy maqsad aholini parxezbop go'sht va tuxum maxsulotlariga bo'lgan ehtiyojini qondirishdir.
Zoyir QULIYEV,
“O'zagroinspektsiya”ning Surxondaryo viloyat boshqarmasi
bosh inspektori
