O'zbekistonda BMTRD, IT Park, Innovatsion rivojlanish vazirligi huzuridagi YOshlar akademiyasi, O'zbekiston YOshlar ittifoqi va O'zbekiston Savdo-sanoat palatasi hamkorligida COVID-19 pandemiyasining oqibatlarini yumshatish bo'yicha innovatsion vositalar va echimlar onlayn tanlovi o'tkazildi.
Tanlovda 5 ta loyiha g'olib deb topildi:
“Hayot xaritasi”
Portal ko'magida yordamga muhtoj bo'lganlar va ko'ngillilar bir-birlarining joylashuvini bilib olishlari va shunga mos ravishda masofa bo'yicha eng yaqin odamga yordam berishlari mumkin. eng yangi ma'lumotlarga ega jamoat uchun ochiq bo'lgan elektron xarita muhtojlarga yordam berishda ko'makchi bo'ladi.
“Birdamlik”
“Birdamlik” loyihasi muhtoj odamlarning arizalarini to'plash uchun ishlab chiqilgan. Buning uchun telegram bot va veb-sahifa yaratildi. Unda muhtojlar va ko'ngillilar bepul ro'yxatdan o'tishlari mumkin. Ro'yxatga olish bilan bir qatorda muhtoj shaxsning shaxsini tekshirish u tomonidan ko'rsatilgan manzilda amalga oshiriladi va ariza beruvchi yashaydigan mahalladan olingan ma'lumotni aniqlaydi. Ushbu ma'lumotlar Umumiy ma'lumotlar bazasiga kiritiladi, u erdan koordinatorlar ko'ngillilarga arizalarni tarqatishlari mumkin.
“Human House” onlayn maktabi
Maqsad – O'zbekistonning me'morchiligi, arxeologiyasi, urf-odatlari, etnografiyasi, amaliy san'ati bo'yicha ma'ruzalar o'tkazish, shu bilan ishtirokchilarni hunarmandchilik qator yo'nalishlari bilan tanishtirish va ularni uyda mustaqil ravishda shug'ullanishga o'rgatish. Bunday strategiya milliy hunarmandchilikni rivojlantirish uchun katta imkoniyat yaratadi.
“Smart Mask”
“Smart Mask” – bu foydalanishni boshidanoq harorat, yo'tal, nafas olish qiyinlishuvi va qondagi kislorod miqdori kabi kasallik alomatlarini o'rganadigan niqob. Olingan ma'lumotlar maxsus algoritm yordamida COVID-19 va boshqa yuqumli kasalliklarning alomatlari bilan taqqoslanadi hamda birlamli, taxminiy tashhis qo'yiladi.
“Cambridgeonline.uz” platformasi
Mazkur platforma ta'lim muassasalari uchun moslashtirilgan va oflayn o'qitish bilan sinxronlashtiriladigan B2B mahsulotidir (ya'ni, zarurat tug'ilsa, oflayn rejimidan onlayn rejimga oson o'tishga imkon beradi). Ushbu platforma ta'lim muassasalariga va texnologiyalar bo'yicha tajribaga ega bo'lmagan o'qituvchilarga ‘Tas-Ix’da onlayn darslarni o'tkazishga imkon beradi va o'quv jarayonini kuzatish uchun keng funktsiyalarni ta'minlaydi.
«COVID-19 Challenge 2020» tanlovi natijalariga ko'ra, uning g'oliblari o'z loyihalarini amalga oshirish uchun moliyalashtirish, tanlov tashkilotchilari tomonidan qo'llab-quvvatlash, shuningdek, loyihalarni to'liq amalga oshirishda yordam berish uchun mentorlardan texnik ko'makka ega bo'ladilar.
