Xabaringiz bor, shu kunlarda Davlat soliq qoʻmitasi tomonidan qoʻshilgan qiymat soligʻi (QQS) toʻlovlarini noqonuniy ravishda kamaytirish maqsadida shubhali operatsiyalarni amalga oshirgan 396 ta tadbirkorlik subyektlarining roʻyxati eʼlon qilingani va ular bilan munosabatlarga kirishgan tadbirkorlarga QQS summasiga oʻzgartirish kiritish va qayta aniqlashtirilgan hisobotlarni taqdim etish yuzasidan xabarnomalar yuborilgani jamoatchilik tomonidan keng muhokama qilinmoqda.
Oliy Majlis Senati Byudjet va iqtisodiy islohotlar masalalari qoʻmitasi tomonidan mazkur holat yuzasidan tegishli tashkilotlar mutasaddilariga soʻrov yuborildi va nazoratga olindi. Tez orada soʻrov natijalari, xususan, ushbu holatga qonuniy chora koʻrilishi haqida batafsil maʼlumot beriladi.
Oʻzbekiston Respublikasi
Oliy Majlisi Senatining
Axborot xizmati
