Olimlar robototexnikaning bunday turini “mujassamlangan aql” deb atashadi.
Futbol – to'qnashuvlar yuz berib turadigan o'yin. Shu paytgacha robotlar o'yin paytida bir-birlariga zarar yetkazmaslikka harakat qilishgan va shu jihatdan ularning o'yini futbolga unchalik o'xshamagan. Ammo DeepMind muhandislari ixtiro qilgan robot ularga o'xshamaydi.
“Futbol yugurish, burilish, yon tomonga qadamlar tashlash, zarbalar berish, to'p uzatish, yiqilgandan keyin o'rnidan turish va raqiblar bilan ba'zan to'qnashuvlarga borishdek keng ko'lamli dinamik harakatlarni talab qiladi”, deydi robot ixtirochilaridan biri Tuomas Xaarnoya. – O'yinchilar to'pning harakatini, jamoadoshlari va raqiblarini oldindan bilishlari va harakatlarini o'yin sharoitiga moslashtirishlari kerak. O'yinchilar taktik jihatdan malakali va muvofiqlashtirilgan harakatlarga erishish uchun uzoq vaqt davomida harakatlarni umumlashtirishlari kerak”.
Futbol roboti loyihasining avvalgi shunga o'xshash ko'plab loyihalardan farqi shundaki, u strategik o'yin uchun robotning faqat qo'llari yoki oyoqlari emas, balki butun tanasining harakatiga asoslangan, deb xabar beradi techinsider.ru.
