Ushbu multfilmda “korrupsiya” bosh mavzu qilib olingan boʻlib, voqealar rivoji keksa boboning tilidan hikoya qilinadi. Asosiy qahramonlar esa dinozavrlar oilasiga mansub Dino va Zavr ismli personajlar. Qahramonlardan biri Dino animatsion serial davomida poraxoʻr rolida gavdalanadi. “Dino va Zavr” multserialining har bir qismi kichik tomoshabin uchun ibrat boʻla oladigan yakun bilan tugallanadi.
Multserial 10 qismdan iborat boʻlib, 3-10 yoshli bolalar auditoriyasiga moʻljallangan, deb xabar beradi “Oʻzbekkino” Milliy agentligi matbuot xizmati.