Budapeshtda davom etayotgan jahon chempionati doirasida Xalqaro dzyudo federatsiyasi (IJF) Atletlar komissiyasi aʼzoligi uchun saylov ham oʻtkazilmoqda.
Oʻzbekiston dzyudo federatsiyasi maʼlumotiga koʻra, ovoz berish jarayoni boshlangan boʻlib, saylovda akreditatsiyadan oʻtgan sportchilargina ovoz berish huquqiga ega boʻladi.
Eʼtiborlisi, nomzodlar orasida “Parij-2024” yozgi Olimpiya oʻyinlari gʻolibi Diyora Keldiyorova ham bor. Ovoz berish jarayonida unga Darya Bilodid (Ukraina), Ryonosuke Haga (Yaponiya), Natan Kas (Avstraliya) va Keytlin Kuadros (Braziliya) raqiblik qiladi.
Vengriya poytaxti Budapesht shahrida 93 ta mamlakatning 550 nafardan ziyod dzyudochilari ishtirokida oʻtayotgan jahon chempionatining ortda qolgan uchinchi kunida terma jamoamiz aʼzosi Shukurjon Aminova oʻz vazn toifasida dunyoning 5 nafar eng kuchli dzyudochilaridan biri nomiga musharraf boʻldi.
