Viloyat hokimligida viloyat hokimining oʻrinbosari-viloyat investitsiyalar va tashqi savdo boshqarmasi boshligʻi Iqboljon Ergashev dubaylik ishbilarmonlar bilan uchrashdi.
Muloqotda Fargʻona viloyatining meva va sabzavotlar geografiyasini kengaytirish, Dubay supermarketlariga meva mahsulotlarini olib kirish masalasida hamkorlikni yoʻlga qoʻyish masalasi muhokama qilindi.
Shuningdek, mehmonlar viloyatning meva sabzavotchilik xususan, gilos, oʻrik, anor, olma va boshqa mevalarni yetishtirishdagi ilgʻor tajribalar bilan tanishish maqsadida Oltiariq va Quva tumanlarida boʻldi.
Yakunda ikki tomon vakillari istiqboldagi rejalarni kelishib oldilar, deb xabar beradi Fargʻona viloyat hokimligi matbuot xizmati.
