Jahon reytinglarida eng koʻp uchraydigan universitetlar nomini koʻpchilik biladi. Ularning eng yetakchilari haqida profguide.io nashri maqola tayyorlagan. Maʼlumotlar jahon universitetlarining akademik reytingi (ARWU), QS va THE reytinglari, shuningdek, Forbes jurnali maʼlumotlari asosida tuzilgan. Shunday qilib, dunyodagi yeng nufuzli universitetlarni koʻrib chiqamiz.
Beshinchi oʻrin — Yel universiteti
Mamlakat: AQSH.
Oʻqish narxi: taxminan 55,5 ming dollar.
Universitet 1701-yilda tashkil etilgan AQSHda joylashgan nufuzli muassasa hisoblanadi. Bitiruvchilar orasida 30 dan ortiq Nobel mukofoti sovrindorlari, turli mamlakatlar rahbarlari, olimlar, madaniyat va sanʼat arboblari, ishbilarmonlar bor. Universitet butun dunyodan iqtidorli talabalarni faol jalb qiladi, ularga har xil moliyaviy yordam beradi: stipendiyalar, grantlar va hatto bepul taʼlim. Talabalar nazariyani oʻrganadilar, ammo tadqiqot olib boradilar. Universitet Ivy Ligasining bir qismi boʻlib, uning kutubxonasida 15 milliondan ortiq yuqori madaniy ahamiyatga ega eksponatlar bor. Taʼlimning asosiy yoʻnalishlari gumanitar va ijtimoiy fanlar, shuningdek, sanʼatdir. Universitetda biologiya, fizika, hisoblash, matematika va boshqa boʻlimlar mavjud va ular AQSHdagi eng kuchli dasturlarni amalga oshiradilar.
Toʻrtinchi oʻrin — Oksford universiteti
Mamlakat: Buyuk Britaniya.
Oʻqish narxi: taxminan 9 ming yevro.
Britaniya Oksford universitetining aniq tashkil etilgan sanasi nomaʼlum, koʻplab tarixchilar 1096-yilgacha boʻlgan davrni koʻrsatadilar. Universitet dunyodagi eng qadimgi universitet boʻlib, gumanitar, matematik, ijtimoiy, tibbiyot va boshqa fanlarni oʻrgatishadi. Koʻplab kutubxonalar va muzeylar ham bor. Yildan yilga dunyodagi eng yaxshi 100 ta universitet qatoriga kiradi. Oksfordda oʻqiydigan talabalar nafaqat ilm-fan, balki sport bilan ham shugʻullanishadi. Ular koʻplab toʻgaraklarga borishi mumkin. Har tomonlama rivojlanish uchun yaxshi sharoitlar yaratilgan. Universitetdan 56 Nobel mukofoti sovrindori, shuningdek, AQSHning 42-prezidenti Bill Klinton, matematik va yozuvchi Lyuis Kerol yetishib chiqqan.
Uchinchi oʻrin — Stenford universiteti
Mamlakat: AQSH.
Oʻqish narxi: taxminan 75,5 ming dollar.
1891-yilda tashkil etilgan. Universitet AQSHda joylashgan. Universitetda koʻplab fakultetlar ochilgan, eng mashhurlari matematika, tibbiyot, yuridik, muhandislik, biokimyo. Birinchi kunlardan boshlab universitetda yigitlar va qizlar birgalikda oʻqishgan. Bugungi kunda universitet nafaqat professional, balki kadrlar bozorida talab yuqori boʻlgan mutaxassislarni ham tayyorlamoqda. Bitiruvchilar orasida 50 ta Nobel mukofoti sovrindorlari, shuningdek, Google qidiruv tizimini ishlab chiquvchi va asoschisi Sergey Brin, Cisco transmilliy kompaniyasi asoschisi Leonard Bosak, Instagram ijtimoiy tarmogʻining yaratuvchisi Kevin Sistrom bor. Stenford universiteti bu dunyoni oʻzgartirishga qodir boʻlgan muvaffaqiyatli IT-mutaxassislarni tayyorlaydigan universitet.
Ikkinchi oʻrin — Massachuset texnologiya instituti
Mamlakat: AQSH.
Oʻqish narxi: taxminan 73 ming dollar.
MTI muntazam ravishda dunyodagi eng yaxshi universitetlar roʻyxatiga kiritilgan. U 1861-yilda tashkil etilgan, bugungi kunda dunyodagi eng nufuzli texnik oʻquv yurtlaridan biri hisoblanadi. Bu yerda siz gumanitar va texnik fanlarni oʻrganishingiz mumkin, universitetda 30 dan ortiq kafedra va 5 ta maktab mavjud. Asosiy yoʻnalish texnik, masalan, muhandislik maktabi oʻquvchilarining ulushi 50 %dan oshadi. Ushbu universitetda turli vaqtlarda NASA astronavti Devid Skott, molekulyar biolog Richard Lozik bilim olgan. 80 dan ortiq bitiruvchilar Nobel mukofoti sovrindorlari.
Birinchi oʻrin — Garvard universiteti
Mamlakat: AQSH.
Oʻqish narxi: taxminan 68 ming dollar.
Garvard AQSHdagi eng yirik universitet va dunyodagi eng mashhur universitetdir. Universitet bitiruvchilari orasida 70 dan ortiq Nobel mukofoti sovrindorlari bor, turli yillarda uni aktrisa va model Natali Portman, Facebook ijtimoiy tarmogʻining asoschisi Mark Sukerberg tamomlagan. Universitetda tibbiyot, psixologiya, dizayn, sanʼat, biznes, davlat boshqaruvi va boshqa sohalarni oʻrganish mumkin. Universitet 1636-yilda tashkil etilgan. Kampusning maydoni 85 gektarni tashkil etadi.
Shuningdek, kuchli oʻntalikdan Buyuk Britaniyaning Kembrij universiteti, London universitet kolleji, Kaliforniya texnologiya instituti, Prinston universiteti, Chikago universitetlari ham joy olgan.
Chet yel universitetlarida oʻqish hamma uchun mavjud, chunki koʻplab universitetlar oʻz talabalariga moliyaviy yordam koʻrsatadilar. Yuqoridagi universitetlar turli xil shartlar va talablarga ega, shuning uchun hujjatlarni topshirishdan oldin barcha maʼlumotlarni diqqat bilan oʻrganib chiqing.
