1969-yil Toshkent viloyatida tugʻilgan ushbu shaxs 1998-yilning boshlarida Rossiyaning Checheniston Respublikasiga borib, iordaniyalik Amir Xattob tomonidan tashkil qilingan jangarilar lagerida maxsus tayyorgarlikdan oʻtadi va oʻsha yilning oxirlarida Afgʻonistondagi “TIH” xalqaro terroristik tashkiloti safiga qoʻshiladi.
1999-yilning yanvar oyida tashkilot yetakchilarining koʻrsatmasi bilan u aylanma yoʻllar orqali Toshkent shahriga kelib, badavlat odamlarning uylarida bosqinchiliklarni amalga oshiradi hamda ularning pul va qimmatbaho buyumlarini oʻzlashtirib, Afgʻonistondagi “TIH” yetakchilariga yuboradi.
Mazkur shaxs 1999-yilning 16-fevral va 30-mart kunlari Toshkent shahrida amalga oshirilgan qoʻporuvchilik harakatlarida ham ishtirok etadi.
Shuningdek, 1998-2006-yillarda xorijiy davlatlardagi xalqaro terroristik tashkilotlar safida jangovar harakatlarda qatnashadi.
Hozirda unga nisbatan qoʻzgʻatilgan jinoyat ishi doirasida tergov harakatlari olib borilmoqda.