Vengriyada dzyudo boʻyicha jahon chempionati bahslari oʻtkazilmoqda.
Qayd etilishicha, bugun musobaqaning soʻnggi kunida aralash jamoaviy dasturda gʻolib va sovrindorlar aniqlab olinadi.
Qurʼaga koʻra, yurtdoshlarimiz dastlabki bosqichda Turkmanistonga qarshi bahs olib boradi. Dzyudochilarimiz gʻalaba qozonishsa, chorak finalda Yaponiya – Avstriya bahsi gʻolibi bilan kuch sinashadi.
Vengriya poytaxti Budapesht shahrida 93 ta mamlakatning 550 nafardan ziyod dzyudochilari ishtirokida oʻtayotgan jahon chempionatining ortda qolgan uchinchi kunida terma jamoamiz aʼzosi Shukurjon Aminova oʻz vazn toifasida dunyoning 5 nafar eng kuchli dzyudochilaridan biri nomiga musharraf boʻldi.
