2020-yilda Oʻzbekistonning eng yaxshi sportchisi nomiga sazovor boʻlgan dzyudochi Davlat Bobonov Tokio-2020 Olimpiya oʻyinlarining bronza medalini qoʻlga kiritib, Oʻzbekiston delegatsiyasiga ikkinchi medalni taqdim qildi.
Bu haqida MOQ axborot xizmati xabar berdi.
- 90 kg vazn toifasida kurashgan sportchi ushbu bosqichda turkiyalik Mixael Zgankka qarshi tatamiga chiqdi. Davlat Bobonov ijrosidagi usul vazari/ippon bilan baholandi va shu tariqa, Oʻzbekiston delegatsiyasi Tokio-2020 Olimpiya oʻyinlaridagi ikkinchi, dzyudo bellashuvlaridagi dastlabki medaliga sazovor boʻldi.
Dzyudo boʻyicha Oʻzbekiston terma jamoasi Vengriya mezbonlik qilayotgan “Masters” turniridagi ishtirokini yakunladi. Unda Muzaffarbek Toʻraboyev -100 kg vazn toifasida gʻalaba qozonib, oʻzbek dzyudosi uchun 12 yil kutilgan oltin medalni taqdim qildi.
