VX-4 tiltrotor 27 kilometr masofani bosib o'tdi. Yo'nalish masofasi qisqa bo'lsa-da, aerotaksi oddiy havo hududidan uchib o'tgan.

VX-4 samolyot va vertolyotning xususiyatlarini o'zida mujassam etgan: u vertikal ravishda ko'tariladi va qo'nadi, lekin parvoz paytida gorizontal rejimga o'tadi. Bu kombinatsiya, ayniqsa, an'anaviy uchish-qo'nish yo'laklari uchun joy bo'lmagan shahar muhiti uchun muhim ahamiyatga ega. Qurilma uchuvchi tomonidan boshqariladi, ammo masofadan va avtomatik boshqaruv ham ta'minlangan, bu yo'lovchi, qutqaruv, tibbiy va hatto harbiy vazifalarni bajarish uchun keng imkoniyatlar ochadi.

VX-4 to'rt nafar yo'lovchiga mo'ljallangan bo'lib, ikkita versiyada – to'liq elektr va qo'shimcha generatorli gibrid versiyada ishlab chiqariladi. Maksimal tezlik soatiga 185 kilometrgacha, parvoz balandligi 550 metrgacha, elektr versiyasining kruiz masofasi taxminan 160 kilometr, gibrid versiyasida esa 1600 kilometrgacha etadi. Maksimal yuk tashish hajmi 1100 kilogramm.

Parvozlar Buyuk Britaniya aviatsiya idoralari tomonidan ruxsat etilgan. Sinov natijalari texnologiyaning mavjud infratuzilmaga integratsiyalashuviga tayyorligini tasdiqladi. Yil oxiriga qadar takomillashtirilgan versiyaning parvozi rejalashtirilgan, shundan so'ng kompaniya sertifikatlashtirishni 2028-yilgacha yakunlab, uning tijorat variantini bozorga chiqishga umid qilmoqda, deb xabar beradi korrespondent.net.