Bu boʻyicha Transport vazirligi yoʻlovchilarga maʼlumot berdi.
Qayd etilishicha, yoʻlovchilarga qoʻshimcha qulaylik yaratish maqsadida QR-chiptalarni “Paynet” shoxobchalari orqali ham sotib olish imkoniyati yaratildi. Bu kabi shoxobchalar soni shahar boʻylab 2700 tani tashkil etmoqda.
Avval yoʻlovchilar bir martalik QR-chiptalarni shahar boʻylab oʻrnatilgan 5000 dan ortiq oʻz-oʻziga xizmat koʻrsatish infokiosklaridan xarid qilishlari mumkin edi.
Endilikda QR chiptalarni 8 000 ga yaqin nuqtadan sotib olish imkoniyati yaratildi.
Oliy Majlisi Qonunchilik palatasining navbatdagi majlisida “Oʻzbekiston Respublikasining Maʼmuriy javobgarlik toʻgʻrisidagi kodeksiga jamoat transportidan foydalanish samaradorligini oshirishga qaratilgan qoʻshimcha va oʻzgartirishlar kiritish haqida“gi qonun loyihasi ikkinchi oʻqishda koʻrib chiqilmoqda.
Toshkent shahrida shu yilning 1-yanvaridan boshlab barcha avtobuslarda yoʻlkira toʻlovlarini naqd shaklda toʻlash toʻxtatildi. Endilikda Yoʻl haqini naqd pul koʻrinishida bergan yoʻlovchi jarimaga tortilishi mumkin.
2025-yil 1-yanvardan boshlab avtobuslarda naqd pul qabul qilish cheklanganligi va bu jarayon qanday tartibda amalga oshirilishini yoʻlovchilarga yaqindan tushuntirish maqsadida, nazoratchilardan iborat maxsus ishchi guruh oʻz faoliyatini boshladi.
