Jurnalistlar ushbu obyektda maishiy texnika mahsulotlari, jumladan, muzlatgichning xalqaro standartlarga koʻra sinovdan oʻtishi, baholash jarayonlari bilan tanishdi.
Taʼkidlash lozimki, maishiy elektrotexnika mahsulotlarining energosamaradorligi ISO IYEK 62552 xalqaro standarti boʻyicha baholanadi.
Press-tur davomida jurnalistlar sovutgich va muzlatgichlarni barqaror holatda energiya sarfini tegishli standartlar boʻyicha baholanish jarayonini kuzatdi.
Oʻzbekiston hududiga energiya samaradorligi past boʻlgan maishiy texnikalarni import qilishga cheklov qoʻyilgan. Shuningdek, 2016-yildan eʼtiboran elektrojihozlarning energiya samaradorligini belgilash tartibi joriy qilingan. Energiya samaradorlik darajalari A, V, S, D, E, F va G sinflari bilan belgilanadi.
Masalan, energiya samaradorligi yuqori boʻlgan jihozlar, (masalan, A +++sinfidagi muzlatgich) yiliga oʻrtacha 200-300 kvt soat isteʼmol qiladi, eski modellar esa 500-600 kvt soat isteʼmol qilishi mumkin. A+ energiya samaradorligi sinfiga ega idish yuvish mashinasi har bir sikl uchun taxminan 1,1 kvt soat isteʼmol qiladi.
Aslida energiya samaradorligi yuqori boʻlgan maishiy oshxona anjomlari koʻp energiya sarflaydigan jihozlarga qaraganda qimmatroq boʻladi. Tabiiyki, foydalanuvchilarda bunday uskunadan foydalanish samaralimi, narx farqi qanchalik tez qoplanadi, degan savol tugʻiladi. Bu haqiqatda manfaatli.
Koʻp turdagi maishiy texnika doimiy ravishda ishlaydi, shuning uchun ular har kuni, har soniyada energiya isteʼmol qiladi. Shu sabab bir necha yil foydalanishdan keyin energiya samarador texnika narx oʻlaroq manfaatli ekani koʻrinadi;
Yuqori sifatli, elita maishiy texnika odatda yuqori energiya samaradorligi bilan ajralib turadi, bu juda uzoq vaqt davomida uzilishlarsiz ishlaydi, yaʼni A++ sinfidagi qurilma sizga xizmat qiladigan bir necha oʻn yillar davomida siz allaqachon bir nechta shunga oʻxshash C sinfidagi qurilmalarni almashtirgan boʻlasiz. Shu sabab uzoq muddatga qimmat qurilmani sotib olish foydaliroq.
Pulni tejashni afzal koʻrgan odamlar uchun bir marotaba katta xaridga pul sarflash, keyin esa oz miqdorda oylik energiya toʻlovlaridan bahramand boʻlish psixologik jihatdan osonroqdir. Ammo eng muhimi shundaki, biz energiya samarador jihozlarni ishlatish bilan atrof-muhitga boʻlgan zararni kamaytiramiz, ekologiyaga va farzandlar kelajagiga hissa qoʻshamiz.
