Eronda uranni boyitish umume'tirof etilgan haqiqat bo'lib, G'arb davlatlarida uning darajasi bo'yicha ehtimoliy xavotirlarga qaramay, uranni boyitish masalasi AQSh bilan muzokaralarda muhokama qilinmaydi, dedi Eron tashqi ishlar vaziri Abbos Aragchi.
“Uranni boyitish – bu haqiqat, qabul qilingan fakt va biz (Amerika tomoni bilan) potentsial xavotirlarga qaramay, ishonchni mustahkamlashga tayyormiz, biroq uranni boyitish masalasi muhokama qilinmaydi”, deya Aragchi so'zlaridan iqtibos keltiradi Eronning SNN davlat agentligi.
12-aprel kuni O'monda AQSh Prezidentining Yaqin Sharq bo'yicha vakili Stiv Uitkoff va Eron tashqi ishlar vaziri Abbos Aragchi o'rtasida bilvosita muzokaralar bo'lib o'tdi. Amerika yetakchisining maxsus elchisiga ko'ra, ular ijobiy va konstruktiv tarzda bo'lib o'tgan. Aragchi ham muzokaralar muhitini konstruktiv va osoyishta deb baholadi, O'mon tashqi ishlar vaziri Badr al-Busaydiyga Eron va Amerika delegatsiyalari o'rtasida fikr almashishdagi sa'y-harakatlari uchun minnatdorchilik bildirdi va Eron Islom Respublikasi va AQSh o'rtasidagi muzokaralarning ikkinchi bosqichi 19-aprel kuni bo'lib o'tishini ma'lum qildi, deb xabar beradi ria.ru.
