Ushbu tayinlov Fargʻona viloyati hokimligida Bosh prokuror Nigʻmatilla Yoʻldoshev, viloyat hokimi Xayrullo Bozorov, viloyat sektorlari hamda boshqarma-tashkilotlar rahbarlari, jamoatchilik vakillari ishtirokidagi yigʻilish davomida eʼlon qilindi.
Baxtiyor Ismoilov 2003-2015-yillar davomida Andijon viloyati prokuraturasi organlarida turli lavozimlarda mehnat qilgan, 2015-2016-yillarda Oʻzbekiston Respublikasi Bosh prokuraturasi sud qarorlarini ijro etishda va qamoqqa olinganlarni saqlashda qonunlarga rioya etilishi ustidan nazorat boshqarmasi katta prokurori, 2017-2021-yillarda Fargʻona viloyati prokurorining oʻrinbosari, Fargʻona viloyati prokurorining birinchi oʻrinbosari lavozimlarida faoliyat yuritgan.