Turkiyalik mehmon dastlab qurilish sohasida shu kunga qadar amalga oshirib kelingan loyihalari haqida maʼlumot berdi.
Muloqot davomida oʻzgarayotgan Fargʻona, unda zamon talablari darjasidagi bino-inshootlarni, biznes markazlar va mehmonxonalarni qurish, aholini arzon, sifatli uy-joyga boʻlgan ehtiyojini taʼminlash borasidagi ishlar toʻgʻrisida oʻzaro fikr-mulohazalar almashildi.
- Turkiyadan mutaxassislarni olib kelamiz. Ular Yevropa davlatlarida ham tajriba orttirib kelishgan. Sifatli ish tashkil etish uchun barcha masʼuliyatni oʻz zimmamizga olamiz, chora-tadbirlarni koʻramiz, - dedi Sedat Emirler.
Shuningdek, uchrashuvda yangi qurilayotgan uylarning kvadrat metri 4 million soʻmdan oshmasligi zarurligi alohida taʼkidlandi.
Ilk bosqichda turkiyaliklar mahalliy qurilish kompaniyalari bilan birga ilgʻor jahon tajribalariga tayanib, zamonaviy 7 qavatli turar-joyni qurib, oʻz egalariga topshirishadi. Shundan soʻng yangi loyihalar yuzasidan kelishuvlar amalga oshiriladi.