Mahallalarda yangi taʼsis etilgan hokim yordamchisi lavozimida mehnat qiladiganlarga joriy etilayotgan tizimning tub mohiyatini yetkazish uchun shu yilning 30-noyabridan 4-dekabriga qadar Fargʻona davlat universitetida seminar-treninglar va amaliy mashgʻulotlar boʻlib oʻtmoqda. Ushbu seminar-trening mashgʻulotlarida ishtirok etish uchun masʼul vazirlik, idora, tashkilotlarning tuman va shahar boʻlimlaridan iborat 300 nafarga yaqin hududiy trenerlar tanlab olindi hamda ular birinchi kundanoq mashgʻulotlarga faol kirishdi. Mazkur seminar-treninglar Iqtisodiy taraqqiyot va kambagʻallikni qisqartirish vazirligi, boshqa masʼul vazirlik va idoralar xodimlari, Davlat boshqaruv Akademiyasi, oliy taʼlim muassasalari professor-oʻqituvchilari tomonidan olib borilyapti. Oʻquv, seminar-treninglar 4-dekabrga qadar davom etadi.
DXA Fargʻona viloyat boshqarmasi
matbuot xizmati.