Favqulodda holat Prezident farmoni bilan Oʻzbekistonning butun hududida yoki ayrim joylarida joriy etiladi.
Oʻzbekistonning butun hududidagi favqulodda holat 30 sutkadan, ayrim joylardagi favqulodda holat esa 60 sutkadan oshishi mumkin emas.
Favqulodda holatni joriy etish maqsadlariga erishilmaganda muddat uzaytirilishi mumkin.
Favqulodda holat davrida quyidagi choralar va vaqtinchalik cheklovlar joriy etilishi mumkin:
- davlat organlari vakolatlarini toʻliq yoki qisman toʻxtatib turish;
- harakatlanishga nisbatan cheklovlar;
- jamoat tartibini, oʻta muhim va toifalangan obyektlarni muhofaza qilishni kuchaytirish;
- faoliyatning ayrim turlarini amalga oshirishga cheklovlar;
- oziq-ovqatni va eng zarur narsalarni sotish, sotib olish hamda taqsimlashning alohida tartibi;
- yigʻilishlar, mitinglarni taqiqlash yoki cheklash;
- transportlar harakatini cheklash.
Favqulodda holat rejimini taʼminlash boʻyicha maxsus davlat boshqaruvi organlari tashkil etilishi mumkin, ular jumlasiga quyidagilar kiradi:
Favqulodda holat rejimini taʼminlash boʻyicha davlat komissiyasi;
hudud komendaturasi.
Real tashqi xavf boʻlganida komendantlik soati joriy etilishi mumkin. Bunda qoidalarni buzgan shaxslar komendantlik soati tugaguniga qadar ushlab turiladi.
