Reglamentga koʻra, franshizing shartnomasini davlat roʻyxatidan oʻtkazish DXM yoki YAIDXP (my.gov.uz) orqali amalga oshiriladi.
Davlat xizmatini koʻrsatganlik uchun BHMning uchdan bir qismi miqdorida yigʻim undiriladi.
Quyidagi hollarda yigʻim toʻlanmaydi:
sud hujjati asosida franshizing shartnomasiga oʻzgartirish va qoʻshimchalarni roʻyxatdan oʻtkazishda;
roʻyxatdan oʻtkazish boʻyicha hujjatlar qaytadan koʻrib chiqilganda.
Roʻyxatdan oʻtkazish rad etilgan taqdirda, ariza beruvchi 3 oyda kamchiliklarni bartaraf qilib yigʻim toʻlamasdan, qayta murojaat qilishi mumkin.
